Back to 日麻 again

November 21, 2017

很久沒有打日麻了。自從雀龍門摺左之後都冇再打了。之前好辛苦上到五段停左,之後想打番發覺已經摺了。

現在想打番,想打麻格不過好 q 煩,又要出去機鋪買卡又要剩,konami 真係勁煩,放棄左冇再搵日麻玩。

之後又過左好耐,突然又嚟番條癮,然後發現天鳳原來出左手機版,正呀,終於就開始玩左天鳳啦。

玩落好似同雀龍門冇咩分別,計分好似冇咁衰添,輸第四先扣分。雀龍門第三同第四都要扣,所以玩左好耐先上到五段,一直都又上又落番級又上番段。

玩左一星期左右現在天鳳上了二段,R 得 1700 左右,仲要磨好耐睇多 d 牌譜才能叫做入流吧。

暫時最好成積係 3 倍滿。

因為實在係好多年冇打日麻,以下記底一下個人心得,以防又停左冇玩又要重新學。

1. 避四!!! 冇野慘得過扣分。就算唔 win 都唔好輸四。唔輸四就唔駛扣分。要堅守,唔好博牌。
2. 摸頭三十隻做牌,摸完都未叫到糊就要副露速攻同埋有棄牌準備。
3. 速攻係最佳防守。
4. 好多時堅守係必須,不過只守不攻係輸硬。輸自摸都輸死你。幾時攻幾時守要處理得好好。只攻不守就出銃多,只守不攻輸自摸。
5. 人家立直最好棄牌,一邊棄一邊重新做牌,好多時都可以做到邊防守邊反攻仲食埋糊。
6. 唔好立亂副露,立直分分鐘可以多幾翻。手揸幾隻 dora 可副露速攻。速攻未必要副露,多些牌係手仲易做牌,有需要棄牌都多些牌選擇。
7. 牌效率非常非常重要。
8. 心存僥倖博牌通常都死緊。博邊隻死邊隻。打東風戰真係唔好出銃,冇仇報。
9. 明知死緊就唔好打出去博,人地同我講既。人就係咁衰,係都要博下既。
10. 對手係級係段分別好大,係影響戰術既運用。通常級既都唔會點守,因為佢地係唔會扣分,所以通常都視死如歸。如果全部係段呢,係好玩好多,起碼有路捉下,當然死起上嚟都死好慘。
11. 好多級既對手都係 d 高段數既人新開既 account. 叫得又快牌又大又唔駛點守,所以係特別難對付,依 d 對手要格外小心。避四當 win.
12. 精神唔好唔好打,環境唔好集中唔到精神唔好打,輸左一局唔好追打,通常越打越衰。心煩氣燥係死緊。
13. 唔好博牌呢四隻字真係好難,我個人打牌係冇乜 discipline

So far 我出銃率仲係有 0.20, 係好高,仲有排練,打左一星期每日打幾局仲係二段 only. 輸一局要 win 番兩局先平番輸左既分!

避四!!!!!!!!!!!!

日麻吸引我既野係

1. 講究既野係好多, 戰術,牌效率,攻守兼備。
2. 死好多腦細胞。打完一局就要休息,因為一集中唔到精神立刻變做出銃王。

鍾意用腦應該會鍾意日麻既我估。



Leave a Reply

Your email address will not be published. Required fields are marked *