我的日麻歷程

第一次接觸日麻, 相個係廿幾三十年前紅白機年代! 當時資訊極不發達, 完全唔知麻將有分不同派系, 不停問阿媽 “點解成日唔俾我叫糊??” “唔知道喎” …… 最傷心既係人生既第一隻 X Game, 連個名都唔得, 又係同麻將有關, 就係叫唔到糊, 令人極度咀喪.

直到幾年前, 同事帶我去玩麻將格鬥俱樂部, 開始比較正式接觸日麻, 上網睇左 D rules, 先知道原來都唔係想像中咁難入手. 作為一個從來冇落埸打過麻將 (包括廣東牌) 既人, 一入手就去打麻格, 下場當然只得一個, 就係得了個外號 “放銃王” -_-;

放銃放得多, 於是改變一下策略, 改為防守的玩法, 放銃是少了, 可是依然係輸既多, 因為過於防守既玩法大大造就了對手自摸和既機率.

既然防守行不通, 就改打全進攻吧, 於是放銃王又回來了唉 T_T

與其交無了期的學費, 不如回家先學習學習吧, 於是買了部 PSP, 跟電腦操牌操到上黃龍, 自以為把握多了一點, 可是回到麻格街機真人版, 糊牌的確是多了, 但是下場還是一模一樣, 依舊是不停放銃…. 玩到這裡, 無論PSP 單機版或街機版, 我的屬性一直都是被迫停留在 “玄武” 的保守打法, 無甚突破, 無可奈何之下, 就放棄了街機真人版, 無謂浪費金錢.

過了很長的時間, 依然停留在PSP單機版, 心心不忿, 於是上網找些攻略心得之類的文章, 才明白日麻其實是很著重攻守兼備既麻將. 可是玩電腦版的 AI 實在不敢恭維, 胡牌太容易, 根本不用怎麼防守都能打上黃龍, 於是便開始上網找免費的日麻對戰遊戲, 雀龍門就是我第一隻接觸既網上日麻遊戲.

雀龍門這隻遊戲畫面聲效我都非常非常喜歡, 更重要的是免費!! 可以讓我這隻菜鳥不花一文就可以 24 小時都有真人實習的機會!!
雀龍門的玩家系統分為”級”及”段位”. 新手要先由十級 (? 還是九? 忘記了) 升至一級, 然後才能由一級升上初段, 再由初段升至終極既九段. “級” 基本上是設計給素人玩的, 只要避免放銃放得太勁, 就算得到第3位, 還是有可能得到經驗值的. 可是上到”段”之後, 立刻像到了另一個世界一樣, 遊戲變得十分殘酷, 只有第一及第二位才能夠得分, 第三及第四位就要失相等的分數如下

第一位 +200
第二位 +100
第三位 -100
第四位 -200

基於以上簡單計分系統, 再明白不過, 只重防守既玩法係沒有未來的, 就算不放銃, 輸自模兼糊不出依然是輸, 而且分數扣很”柑”, 遊戲初期大部分既時間我就是不停在一級和初段中徘徊, 每次打上初段, 很快又給K掉, 回到一級. 在這裡不難找到很多玩了幾千局的初段玩家, 估計都是不停在初段給K回一級的一班可憐玩家.

還好這是免費的遊戲, 雖然心心不忿, 依然樂此不疲去領悟攻守兼備既玩法, 直到現在還不是掌握得很好, 可是總算升到上難能可貴既五段… 對於高手來說當然不算什麼, 對於我這個新手來說, 已經算是一個安慰.

現在的我在PSP中的麻格已經不再是只懂防守的玄武, 而是一個”朱雀” 了, 希望以後有機會再回到街機既麻格, 看看我在雀龍門領悟到既這些一點點經驗, 在麻格中能否達到黃龍既階梯呢??

雀龍門少少的個人經驗

1. 個人認為東風比較著重運氣, 重策略, 配牌好就攻, 配牌不好就死守, 萬萬不能放銃, 因為東風只有區區四局, 放”大”銃等於自殺, 翻身比較困難. 就算糊一兩局細牌, 都可能第一位…

玩東風, 只要唔放銃, 糊出一局滿貫已經坐二望一. 速度亦很重要, 很多時連續糊出小牌, 已經足夠K掉所有對手.

東風可能係只重分數既人最好既戰場.

2. 個人認為半莊重技術, 係高手過招既場所, 就算放銃, 只要攻得好, 翻身都唔難既. 在這裡靠運氣上第一位係比較困難既事. 除非運氣好到糊役滿…

我現在的攻擊力依然偏低 (平均番數只有3番..), 所以很少去打半莊.

3. 番牌係害死人既牌, 一開始我會將所有唔係一對既番牌打出, 就算係 dora, 都唔會留. 就算係一對, 如果有其他對子既話, 我會選擇打出一對既番牌. 好多時揸住一對中發白, 好多時候都係碰極都碰唔出, 浪費左副牌, 十分無奈. 就算留到牌局後期才打, 很多時都會成為放銃既牌, 萬試萬靈. 就算保留一對中/發/白, 只會用作”眼” 對待, 不會期望碰出. 就算要速攻, 我會選擇做斷么九平和之類而放棄去等待碰出番牌.

4. 幾時攻幾時守我仍然把握得唔好, 如果身邊有人和事令我分心, 好快就會放銃 -_-; 基本上如果有人立直, 或者在牌局後期而配牌很差, 我都會棄和. 當然我試過好多次棄和棄到糊牌, 那是極好運但並非沒可能既牌.

5. 棄和很多時候係必須, 但不能亂用. 太過消極既玩法在段位戰係必輸既. 如果感覺到有對手在默聽, 我會半棄和, 就是拆牌, 盡量保留中將牌, 避免打出中將牌, 減少放銃機會.

6. 配牌好就做大牌, 不好就速攻.

以上只是我用來打上五段既心得, 在其他遊戲可能沒甚作用.

最後, 如果以後能打上九段既話, 我會開始試打高手雲集既天鳳, 尋求學習高級一點既技術.



Leave a Reply

Your email address will not be published. Required fields are marked *